Språkhandtering og cookies

[dingsoyr]

Dagens løysing

norge.no har i dag innhald på tre språk:

• bokmål (/nb/)
• nynorsk (/nn/)
• engelsk (/en/)

Brukar kan velje språk via språkveljar i header. Dersom brukar aksepterer språkcookie, blir valt språk lagra.

I dag blir denne cookien brukt aktivt i React-klienten til å automatisk omdirigere brukar til språkversjonen som ligg i cookien, også når brukar eksplisitt går til ei URL på eit anna språk.

Eksempel:

• brukar har cookie = en
• brukar går til:
  /nb/oppdater-eller-sjekk-kontaktinformasjon/42
• React-klienten sender automatisk brukar vidare til:
  /en/update-or-check-your-contact-details/42

I tillegg finst det funksjonalitet for språkvarsel. Denne viser eit varsel dersom brukar har valt eit språk, til dømes engelsk, men kjem til ei side som ikkje finst på dette språket. Varselet informerer då om at sida ikkje er tilgjengeleg på valt språk.

Problem med dagens løysing

URL representerer ikkje faktisk innhald

Når brukar går til ei URL med eksplisitt språkprefix (/nb/, /nn/, /en/), er språk allereie bestemt av URL-en.

Det blir derfor overraskande når klienten overstyrer dette basert på cookie.

Problem for redaktørar

Redaktørar som jobbar i Drupal kan opne eller previewe ei spesifikk språkversjon, men blir automatisk sendt vidare til språk frå cookie. Dette gjer testing og redigering vanskeleg.

Delte lenker blir mindre føreseielege

Ein brukar kan dele ei bokmålslenke, men mottakar blir automatisk sendt til engelsk eller nynorsk basert på eiga cookie.

Aukar kompleksitet

Språkcookie introduserer meir kompleksitet i:

• klientlogikk
  Frontend må innehalde ekstra logikk for å lese cookie, samanlikne cookie med språk i URL, finne korrekt språkvariant av sida og eventuelt trigge redirect. Dette aukar mengda spesiallogikk og edge cases i klienten.
• routing
  URL er ikkje lenger einaste kjelde til sanning for språk. Routing blir avhengig både av URL og klientstate (cookie), noko som gjer navigasjon mindre føreseieleg.
• debugging
  Feil blir vanskelegare å reprodusere fordi oppførsel avheng av lokal cookie-state hos brukar eller utviklar. Same URL kan oppføre seg ulikt mellom ulike brukarar eller miljø.
• testing
  Testing må dekke fleire kombinasjonar:
  URL-språk
  språkcookie
  manglande omsettingar
  redirect-logikk
  språkvarsel

Liten faktisk verdi

Sidan:

• alt innhald finst på alle språk
• språk alltid er synleg i URL
• språkveljar alltid er tilgjengeleg i header

…er det liten gevinst i å automatisk tvinge brukar over til eit anna språk enn det URL-en spesifiserer.

Forslag til ny modell

URL er kjelde til sanning for språk

• /nb/... viser bokmål
• /nn/... viser nynorsk
• /en/... viser engelsk

Ingen automatisk redirect basert på cookie

Språkcookie fjernast heilt.

Root redirect

• norge.no → norge.no/nb

Språkbyte skjer berre via språkveljar

Når brukar vel språk i header:

• brukar blir sendt til tilsvarande URL på valt språk
• vidare navigasjon held fram i den språkgreina

Språkvarsel og språkveljar må vurderast

Som del av oppgåva må vi også sjekke funksjonaliteten rundt språkvarsel og språkveljar.

I dagens løysing finst det varsel som blir vist dersom brukar har valt eit språk, men kjem til ei side som ikkje finst på dette språket. Til dømes dersom brukar har valt engelsk, men sida ikkje finst på engelsk.

Sidan målet no er at alt innhald på norge.no skal finnast på alle tre språk, bør vi vurdere om denne funksjonaliteten framleis er relevant.

I staden for å vise språkvarsel kan det vere meir føreseieleg at språkveljaren berre viser språk som faktisk er tilgjengelege for den aktuelle sida.

Eksempel:

• Dersom ei side berre finst på bokmål, viser språkveljaren berre bokmål.
• Dersom ei side finst på bokmål og engelsk, viser språkveljaren bokmål og engelsk.
• Dersom ei side finst på alle tre språk, viser språkveljaren bokmål, nynorsk og engelsk.

Det bør avklarast:

• om språkvarselet framleis trengst
• om språkvarselet kan fjernast
• om språkveljaren heller skal baserast på faktiske tilgjengelege omsettingar
• kva som skal skje dersom ei omsetting manglar
• om det framleis finst edge cases der innhald ikkje er omsett til alle språk

Fordelar med ny modell

• enklare og meir føreseieleg oppførsel
• URL samsvarer alltid med faktisk innhald
• betre redaktørflyt
• enklare routing og frontendlogikk
• færre edge cases
• meir intuitivt for brukar
• mogleg å fjerne eller forenkle språkvarsel dersom alt innhald alltid finst på alle språk
• språkveljaren kan reflektere faktiske tilgjengelege språk for sida

Prinsippet blir då:

Det språket som står i URL-en er det språket brukaren får.

[dingsoyr]

Kenneth har fått inn kommentar på:

min nettlesar er konfigurert til å be om nynorsk:

Accept-Language:  nn,sv;q=0.9,da;q=0.8,no;q=0.7,nb;q=0.6,en-GB;q=0.5,en;q=0.4,en-US;q=0.3,de;q=0.2

dette er jo meir finkorna enn hos dei fleste, men det bør vere ganske tydeleg at her skal "nn" leverast. faktisk er bokmål heilt nede på ein femteplass i mine preferansar. (eg kan forstå om de har ein heuristikk som overstyrer "Accept-Language: en")
OK, så de ignorerer mine preferansar, og gir meg bokmål. på minid.no får eg ein cookie-popup om eg vil tillate at språkpreferansen vert lagra i ein cookie. eg tillet dette, men LIKEVEL så får eg bokmål når eg klikkar meg vidare til "registrer minid". same når eg klikkar meg inn på hjelpesidene som ligg på norge.no (sic!). altså. trollar de berre?

1. cookie trengs ikkje, dette har vi internett-standard for (sjå over)
2. om de lagrar ein cookie, så BRUK DEN.
3. dette er vel knappast ei personopplysning som de treng brukarsamtykke via cookie-popup for å lagre uansett.

-- venleg helsing, Kjetil T.

Har gjeve dette svaret:
Hei Kjetil,
Takk for grundig og konkret tilbakemelding.
Du peikar på fleire ting her som er heilt reelle observasjonar.
På norge.no og minid.no brukar vi i dag ulike løysingar for språkhandtering. Cookie-valet du ser på norge.no gjeld berre for den nettstaden, medan til dømes registrer.minid.no er ei eiga applikasjon med separat språklogikk og eigne mekanismar for val av språk. Det er grunnen til at språkvalet ikkje nødvendigvis følgjer med vidare mellom løysingane.
Når det gjeld Accept-Language, så har du heilt rett i at headeren din svært tydeleg signaliserer nynorskpreferanse. Det er òg slik nettstandarden er meint å fungere. Samtidig er det dessverre ikkje alle delar av løysingane våre som i dag nyttar denne informasjonen konsekvent eller korrekt, særleg på tvers av eldre og nyare system.
Du har òg eit godt poeng når det gjeld cookie-bruken:

språkpreferanse kan i mange tilfelle handterast utan samtykke-popup
dersom ein først lagrar språkval i cookie, bør det sjølvsagt faktisk brukast
Her er det historiske og tekniske forskjellar mellom løysingane som ikkje framstår spesielt elegante frå brukarståstad — og det er ei heilt rimeleg innvending frå deg.
Vi tek med oss tilbakemeldinga vidare i arbeidet med språkhandtering og samanheng mellom tenestene våre.
Takk igjen for at du tok deg tid til å skrive så konkret og teknisk presist.

[dingsoyr]

Denne bør sjåast i samanheng med #381 . Skyra vil kreve samtykke.